الحب والرومنسية

مش مهم تكون عيون;

لونها اخضر

مش مهم يكون جمالك

زى بدر الكون منور

الاهم انك يا غاليه

فيكى شىء تانى شاغلنى

غير عبيرك

غير حنان عمرى ما شوفته ف حد غيرك

شىء واخدنى غصب عنى

يحتوينى

يزرع الاحلام ف دربى

يمسح الدمعات ف عينى

يحتوى خوف جوه نبضى

يفرش الفرحه ف سنينى

صدقينى

بصى جوه حروف كلامك

هتلاقينى

متخافيش لو حد لامك

بصى اكتر

هتلاقكى جوه منى

كل معنى بيه بعبّر

كل آهه من حنينى

اسمعينى

هتلاقينى ف قلب صوتك

جوه احزانك...... سكوتك

ويّا فرحك

ويا غضبك

حتى خوفك

هتلاقيكى وهتلاقينى

يبقى حقى لما بلسانك اغنى

أو اقولك.....

إنك انتى حته منى

أيوه انتى حته منى

» كوكتيل اشعار الحب والرومنسية
» شعر الحب والرومنسية دموع الغرام
» حصريا::بمناسبة عيد الحب::البرنامج الترفيهى الرائع لقياس الحب
» لى ف الحب اشعار
» كيف يموت الحب